Le Gelosia
Žena! ka tak jako mojemu si draga,
Od koga se zmirom hvali tvoja snaga,
Vre tve lepe lasi, vusnice vre hvali;
Vsaka Reč tva sproti serce mu zapali.
Poveč mi; kad oči vu njega si dela
Nisi li mu sproti vsu moč njegvu vzela?
Je li te tak hudo kad te je zagledal,
Ali pak serdito, kakti mene gledal?
Znam da tve prelepe, i prebistre oči
Vzele su, kem lahko branit ni se moči.
Znam da ti si onda… kaj zakrivaš oči?
Vidim da rumena bivaš mi nazoči,
Reci: odgovori: Ah zatisni zubi
Muči, če češ reči da te jošče ljubi.
Odgovori