Puste loze k vam se vteče
Puno tuge Serce me:
Kadi nigdo biti neče
Da pokoje najde sve
Kaj god drago biti more
Za me več veselje ni;
Gdo za mir me sad pomore?
kad jur na me vse merzi
Moja Kate lep moj plamen!
Poveč drevje tu li ni?
Ja nagledam vsaki kamen
Jaj! ma Kate nigdi ni.
Kak nas dost krat sverži drage
Sencum jeste zakrile,
Sladke vure kak ste nagle,
Kak ste berzo minule!
Konč povečte, drage sverži!
Bum li dobro videl me?
Jaj! kak mi šumi glasa derži,
Ter štimam veli da ne.
Čut je nekaj vugodnoga
Zdehnenje berš čuje se?
Zdehnenje mort dobra moga,
ko veli da verne se.
Ah! ne ne neg potok šumi,
ki po prudu steče se:
Ah ne šumi nego k tugi
Mojoj milo plače se.
Ali mort se Mila verne,
Ter bu kesno i za hman:
Na moj prah gda gled oberne,
Još ka suza zide van.
Odgovori