Oni niso znali…

Oni niso znali za Don Quijota,
Oni niso znali za Sierre Madre,
Oni niso znali za Granado,
I gdo bi od njih znal za Escorial,
Za Goyo, Murilla i El Greca?

Oni so jedino teli od domačeg špota,
Oni so jedino znali za mržnjo v nadre,
Oni so imeli srce trdo kudi nado,
I saki je znal zake bo život dal,
I da ga tam dalek dalek sloboda čeka.
–
Oni niso znali za Don Ouijota.
Oni so jedino teli od domačeg špota.

Oni niso znali za Sierre Madre.
Oni so jedino znali za mržnjo v nadre.

Oni niso znali za Granado.
Oni so jedino znali za vero ko nado.

I gdo bi od nji znal za Escorial,
Za Goyo, Murilla i El Greca.

A saki je znal zake bo život dal,
I da ga tam dalek Sloboda čeka.