Sem prišel k vam nazad, grobeki dragi,
sem prišel da zopet se vrnem.
Veter me dragal, spominal vas blagi,
dok gazil v tujini sem trnjem.
Kaj su mi rožice vezda črlene
i pleze tu zvončeki lepi?!…
a hiža se skrila tam za kestene,
obloki su črni i slepi…
I ludi su vezda drugi pri nami,
a cirkva na bregu je vmrla.
I sigde se čini: su grobeki sami,
i rašće je tuča potrla…
Ni mežnara ni vre z bradom od snega,
kaj v mraku za štrik je povlekel.
I nestalo lepog v selu je vsega,
i sanje su našle tu pekel…
Vse je, vse vmrlo, a ja sem se vrnil
na grobe, gde rože goriju.
I tam je lepo, ni svet ih počrnil,
gda moji spominki tu spiju…
Odgovori