Vulice tihe, vulice črne,
se jena vu drugu zavija.
Jok vagona, jen vuzdah mašine
temu i meglu probija…
Hiže male, od deski zbite,
su radnička bolesna gnezda.
V megli se niše, tiho vuzdiše
lampa: je nihova zvezda…
A jena sena vulice meri,
spotiče se i nekaj išče…
V temi za drevom dvoje se gible,
vuz to smeje, joče i stišče…
V birtiju jenu, tam “preko puta”,
gdo zajde i vesel se vrni…
pa se obrne i šaku digne
na dimnak visok i črni…
A zutra v jutro: krvave oči
je gladen, da kruha si najde –
kak janjček gre vu šloprok črleni:
pokoren vu tvornicu zajde…
Objavljeno: 1931.
Odgovori