Slutnja

Črešnja mi je v toplih noćih
Vsa zezrela,
Tvojih sem se dragih oćih
Tak zaželela.

Kak je noć ta meni duga,
Ja bi zaspala,
Al mi k zglavju tvojem tuga
Stala, zastala.

Vre je snoćka kraj podseka
Bila, zginula,
Nis ti spala, dok me čeka,
Nis počinula.

Kaj bi ona štela reći,
Meni javiti,
Kaj mi suza mora teći,
Nî ju staviti?!

Črešnja mi je v toplih noćih
Vsa zezrelela,
Tvojih sem se dragih očih
Ja preželela.

Zbirka: Kipci i popevke
Objavljeno: 1917.