On, “stara hiža”; on, puntar grabancijâš;
On, slavni dijak; on, svetskí vandrokâš
Je prvi videl, da naš je krepal Maj –
I pustil sozo žuhko kudi KAJ.
Nokturno gričkí i bdenje hrastovàčko,
Hrvâtsko, dijâčko, kmetskó i seljâčko,
I vàvêk betek i vàvêk huda smrt,
I zorje naše pot vàvêk zaprt.
Ostàvit kmico, ostàvit našo noč,
Ostàvit galge – vteč od doma proč.
I pun se svetla vrnit v stari kraj,
I bit trubenta, og’nj, strela, punta!
A znat, da vrhu hrvatskèga grunta
KAJ je kletva, i jok, i jok je KAJ.
Odgovori