Trgatva

Trgàli so grozd po grozd i gnjeli,
Popevàli trgači vesèli.
A v meme je toga šuméla
Ko prazna obrâna grana:
To naša so srca, o draga,
Zgnjetèna i potrgâna!

I v lajte glibòke grođe so deli
Trgači mladi, jako vesèli.
I do laktôv roke im gole
So bile plave, krvâve.
Mužari z bregôv zagrmèli.
Zgažène so loze i trave.

Odnesli so grođe. Glasi vesèli
Po poté strme se razletèli.
Ní grođa, tebe ni nikòga.
Dalek so tice. Skri lice!
Slatka čehùlja, grenka toga.
Bolí popêvka trgačìce.