Kaj je meni vezda došlo
Kad je dete lepo prošlo
V mojoj vendar misli je?
Kaj je, da če prem odhađa,
Kak se meni sad događa
Misel za njim šetuje
Zakaj su mi takvi trudi
(Takve muke ni med ljudi)
Ja se nemrem razmeti.
Ne znam reči, je li muka
Kaj mi serce tako burka,
Ali pak ka radost je?
Ako muka je, kaj čutim,
I s kem misel moju mutim,
Oh kak draga muka je!
Muka! ka me tak veseli,
Da od mene vse odeli,
Kaj bi žalost moglo dat.
V persah novi nemir budi,
Serce vugodno obudi,
Da na miru nemrem stat.
Odgovori