Angeli su zišli lepi
z neba k zemli dole –
i vu štali za vse lude
Jezušu se mole…
Drugi z neba bele zvezde
potrgali jesu;
i da zemla črna ne bu
vse ih na nju tresu…
I žvenkl bu vre po zvonu
tako lepo lupil!…
Vse pastire i vse krale
k detetu bu skupil.
I vsi budu čuli Njega –
večnu lubav, slogu…
Popevali budu: Slava
na visini Bogu!
A popevka setila bu
vse krale i lude:
da na zemli večna lubav,
mir i sloga bude…
K Jezušu su frkli dole
vsi angeli beli –
z Marijom i Josipom su
za to molit hteli…
Objavljeno: 1930.
Odgovori