Mali pot

Čez šumo vodi mali pot,
Od lada plav, od sonca žot.

V njemu trag je zajcôv, srn,
I zarez kola, glibok, črn:

To proš’l drobn voz je drv,
I tica još, i krt, i črv.

I dugo vre nikòga ní –
A pot vàvêk beží, beží.

Zavîja sim, zavîja tam,
Okolo šumské krôži jam,

Dole skače, v nebo gre –
I nàjempôt ní ga vre.

Čovek gléda: kàde je to?
Goščàva, mir krôg njega so;

Ní vetra čut, popêvke tîc, –
Presvètlo ní, ní preveč kmîc:

Pozabi čovek toge sè, –
I sreča tu primiri se.