Prijatelj smrti

Grođe bo vino; iz tela niš nè bo,
Nas bo nestàlo, i ostàlo sè bo:
Popêvke, oblâki, i kostànji, tice,
Sonce i leto na drage gorìce.

I čvrč’k bo vmrl i bo se probudil.
Seljâk si vino bo v trču pritrúdil,
S pesmóm bo ga pil skroz dòklje ne vmere:
Vu kmice mu vetr sà vrata zapère,

Okna zalùpi – i v reči domâče
Prnèse popêvke, narokovàče,
Slatke ko kuš’c i kùdi čehùlja,

Žuhke ko soza, kùdi zemlja črne,
Iz kê se nigdo nigdâr ne povrne,
Da čúje čvrčka, da gléda metulja.