Tiho kakti z lampom tat
beži nebom mesec zlat
pak vse nekam on vrt luče,
kak da išče tajne kluče.
“Ni to bilo bome niš,
z lampom, mesec, kaj svetliš?
štel bi da te oblak zgasi,
kaj bi dišal zlatne lasi…”
“Kaj ti, stari, kam glediš?
Stisni oko da zaspiš,
lađa da ti se prevrne
pa te oblak mam zagrne…”
“Pusti dole ti nih tam,
pak i kamen štel bi, znam,
gda po danu mora spati
lubav vezda spovedati.
A ti imaš dosti zvezd,
viš neg v šumi tic i gnezd
pak ti z nima lubav vodi
i od jedne k drugoj hodi…”
Vse je v kmici, niš ni čut,
vu vrtu beli se put,
mramor v senci tam se stišče,
Amor vusta Nimfi išče…
Objavljeno: 1931.
Odgovori